Pas sulmit të 40 personave të maskuar dhe me uniforma të UÇK-së ndaj stacionit policor në Gushnicë, qeveria maqedonase ka nisur ushtrinë e saj ku ka rimarrë nën kontroll sërish stacionin policor.
Forcat e shumta të ushtrisë maqedonase u nisën drejt Gushnicës dhe sipas mediave maqedonase kanë arritur të vënë sërish nën kontrollin e MB-së stacionin policor.
https://www.youtube.com/watch?v=meXqiw2tkKU
Nga ana e saj partia VMRO-DPMNE përmes një komunikate me shkrim i dënoi këto akte terroriste të cilat sipas saj kanë për qëllim destabilizimin e Maqedonisë.
“ VMRO-DPMNE e gjykon ngjarjen e sotme terroriste në fshatin Gushincë. I ftojmë institucionet që në mënyrë të vendosur të veprojnë për zbardhjen e këtij rasti dhe ta sigurojnë ligjin, sigurinë dhe stabilitetin. Qytetarët e Republikës së Maqedonisë duhet të qëndrojnë të qetë dhe të mos lejojnë realizimin e skenarëve qëllimi i të cilave është destabilizimi i vendit dhe prishja e rendit dhe rregullit kushtetues. Të gjithë bartësit politik, individët dhe partitë duhet që në mënyrë të përgjegjshme të veprojnë në këto momente, të përmbahen nga manipulimet dhe të mos nxisin tensione për qëllime të ngushta partiake dhe personale. Republika e Maqedonisë do t`i tejkaloj të gjitha sfidat dhe do të vazhdoj me përparimin e saj që është në interesin e qytetarëve.”, thuhet në komunikatën e VMRO-DPMNE-së.
Redaksia Online
(Javanews.al)
