Komisioni i Ligjeve ka miratuar sot me konsensus projektligjin që do i japë dritë jeshile nga pala shqiptare, Maqedonisë për t’u anëtarësuar në NATO.
Në mbledhjen e Komisionit të gjithëve deputetet, si të maxhorancës dhe të opozitës dhanë konsensusin e tyre për këtë ligj.
Por deputetja e LSI-së, Silva Caka i kërkoi zëvendësministres së Jashtme, Artemisa Dralo që kur të rikthehet në zyre të rishikoje simbolet kombëtare, shkruan Panorama.
Edhe deputeti i PD-së, Gent Strazimiri shprehu dakordësinë duke akuzuar edhe qeverinë se po rrezikon qëndrimin e Shqipërisë në NATO. Sipas tij, “rrezikojmë të na nxjerrin nga dritarja e NATO-s”.
Ndërsa PD u largua, i vetmi përfaqësues ishte Strazimiri i cili, pas fjalës së tij tha se do shkonte të takohej me qytetaret, duke bërë ftesë për pjesëmarrje më 16 shkurt.
/a.rada
