Të përbuzur, nëpërkëmbur, nëpër burgje e të vrarë… kjo është pasqyra me ish-pjesëtarët e Ushtrisë Çlirimtare Kombëtare, 15 vite pas përfundimit të konfliktit të vitit 2001 në Maqedoni, thotë Vadedin Ibrahimi, ish pjesëtar i UÇK-së, raporton Alsat-M.
Sipas Ibrahimit, është e pakuptimtë që pas gjithë këtyre viteve të mos mund të gjendet një formulë për rregullimin e statusit të tyre.
Ai fajin për këtë e adreson tek politika, gjegjësisht partitë politike shqiptare për të cilat thotë se kanë keqpërdorur dhe lënë pas dore ish-ushtarët e UÇK-së, përfshirë edhe invalidët dhe familjet e dëshmorëve. (b.an)
