Policia maqedonase përdori gaz lotsjellës kundër qindra refugjatëve dhe migrantëve, të cilët kërkonin të futeshin në vendin e vogël ballkanik nga kampi i Idomenit, që ndodhet në Greqi, njoftoi faqja online e gazetës së përditshme greke ”Kathimerini”.
”Një trakt është shpërndarë ndërmjet 12 mijë migrantëve të kampit, ku u kërkohej të marshonin drejt kufirit”, sipas gazetës.
Ky kamp ka qenë i projektuar për 2 000 persona, por ky numër u tejkalua ndjeshëm kur Maqedonia, mbylli kufijtë për migrantët pa pasaporta dhe viza.