Ylli Manjani tha se postimi i gazetarit amerikan Marc Caputo, i cili shkruan se DASH i ka konfirmuar se Sali Berisha mund të shkojë në SHBA, është një tëitter me qëllim për të ndërhyrë në zgjedhje.
Megjithatë Manjani shton se nëse kjo gjë është e vërtetë, është një gjë e mirë për liderin e opozitës, ama që një vizitë e kreut të PD-së në SHBA të ndodh sipas Manjanit, ka disa specifika:
“Tëitteri është me qëllim për të ndërhyrë në zgjedhje. Por shumë mirë e ka bërë. Kjo gjë po të kishte ndodhur do ishte gjë e mirë.
Për fat të keq kjo gjë nuk ka ndodhur. Ky DASH që nuk dihet kush është, i ka cituar ligjin e Amerikës, Fidel Kastros.
Që Berisha të përfitojë nga ky ligji duhet ose të jetë kryeministër që të shkojë në OKB. Ose kur është një vizitë shumë e veçantë, e duhet të jetë i nivelit shumë të lartë që të përfitojë nga ky rregull.
Nëse ky është hapi i parë për t’i hequr “non gratën”, patjetër është një gjë e mirë. Unë uroj ti vihet viza dhe mbret u bëftë Sali Berisha, unë nuk kam asnjë problem me këtë”,-tha Manjani.
Edhe Berat Buzhala tha nuk kemi të bëjmë me dalje të Berishës nga lista e zezë dhe se kjo deklaratë, sipas tij, e cituar nga gazetari amerikan, se Berisha mund të udhëtojë drejt SHBA, është ofenduese për nga forma.
Buzhala tha se nëse do të ishte një deklaratë serioze, do të kishte qenë vetë Marco Rubio ai që do ta kishte postuar në Twitter-in e tij.
“Kjo s’është dalje nga lista e zezë, kjo është një shkurtim për vizën, domethënë që mundet me shku.
Edhe pse forma e deklaratës është goxha ofenduese. Po është ofenduese sepse Marco Rubio ka Twitter dhe Berishën, së paku, që e kishte futur Blinken-i, tani Marco Rubio do e postonte në Twitter që ‘ne ja hoqëm non gratën Berishës’”, tha Buzhala.
