Në çdo 8 maj, kudo në botë përkujtohet Dita e Luftës kundër Talasemisë.
Ministrja Manastirliu dhe stafi i shëndetësisë dhe mbrojtjes sociale dhuruan sot gjak në ndihmë të fëmijëve talasemikë.
“Kjo e në vijim është një periudhë e vitit ku nevojat për gjak janë të mëdha ndaj Ministria e Shëndetësisë dhe Mbrojtjes Sociale nis sot fushatën e dhurimit të gjakut: 10 minuta për të shpëtuar 3 jetë! Për të ndihmuar ata që kanë nevojë për gjak, në mënyrë të veçantë fëmijët talasemikë”, tha Manastirliu.
Manastirliu apel në Kuvend:
Sot, në seancën plenare, në një kohë kur tensionet dhe bllokimet e foltores duken si një ‘akt normal” nga ana e opozitës, Minsitrja e Shëndetësisë dhe e Mbrojtjes Sociale Ogerta Manistirliu u bëri thirrje kolegëve deputetë në sallën e parlamentit që të dhurojnë gjak,për fëmijët talasemikë.
Fill pas fjalës solidarizuese së Manastirliut, Basha lëshoi një deklaratë të pazakontë:
“Aktet e bamirësisë që bën kjo qeveri janë akte kriminale, ndaj ne duhet ti luftojmë me çdo kusht këto veprime”.
