Ministri i Drejtësisë Ylli Manjani mori pjesë në aktivitetin e Dhomës Kombëtare të Ndërmjetësimit. Ai është shprehur se ndërmjetësimi është një shërbim alternativ i vlefshëm pasi deri tani janë zgjidhur 5000 çështje pa shkuar fare në gjykatë. Ai ka shtuar se deri tani s’ka pasur asnjë ankesë për shërbimin e ndërmjetësimit nga qytetarët, ndërsa e kundërta ndodh me ankesat për gjyqësorin. Manjani nënvizoi se gjyqësori ka shumë vështirësi, ngarkesë në numër çështjesh për gjyqtarët.
‘’Gjykata e Lartë është një nga më të ngarkuarat në rruzullin tokësor për çështjet që duhet të trajtojë’’.
Manjani ka theksuar se zgjidhja e konflikteve me ndërmjetësim është rruga më e favorshme për ne duke shtuar se edhe shërbimet policore duhet tu krijohet mundësia të funksionojnë me ndërmjetës, sepse kështu kursehet shumë kohë dhe parandalohet agravimi i konfliktit. Jo të gjithë gjyqtarët janë të korruptuar, por fakti se zvarritet çështja të shkon mendja se ka korrupsion.
Në këtë aktivitet ishte i pranishëm edhe Kryetari i Gjykatës së Lartë Xhezair Zaganjori, i cili u shpreh se në vitin 2015 janë dhënë vendime për 9500 çështje, volum që prek cilësinë. Ai është shprehur se sistemit në drejtësi i mungon eficenca. Sipas tij reforma është e nevojshme pasi shoqëria prodhon shumë konflikte, zvarritje dhe ngarkesë. Zaganjori tha se Shqipëria është një ndër shetet më problematike, por jo çdo konflikt mund të shkojë në gjykatë.
ma.me
