Ministria e Financave në bashkëpunim me Doganën Shqiptare dhe Croën Agents nisën fushatën “Bëni Biznes të Pastër”, në kuadër të luftës kundër informalitetit me produktet e akcizës. Gjatë këtij aksioni 110 subjekte u kapën me shkelje ndërsa u zbuluan dhe sekuestruan 60 509 litra alkool i pafiskalizuar.
Ndërkohë që edhe shkelësit e ligjit janë kallzuar në organin e akuzës.
Siç thekson Ministria e Financave 6 grupe të përbashkëta, me pjesëmarrjen e Departamentit të Akcizës, Antikontrabandës dhe Croën Agents, ushtruan kontrolle në Tiranë, Lezhë, Shkodër, Lushnje, Fier, Berat dhe Vlorë, duke filluar nga njësitë tregtare deri në impiantet që prodhonin/tregtonin produkte akcize, si birrë, pije alkoolike, verë, duhan i grirë, cigare, etj.
Janë kryer 560 kontrolle, nga të cilat rezultuan me shkelje 110 raste. Subjekteve me shkelje iu janë sekuestruar produkte akcize, si birrë, pije alkoolike, verë, duhan i grirë dhe cigare, të pa pajisura me pullë fiskale/kode sigurie.
Gjithashtu, u bllokuan dhe 4 kantina që prodhonin verë dhe pije alkoolike, të cilat operonin në mënyrë klandestine me vendndodhje në Kavajë, Krujë, Vaqarr, Tiranë dhe në Llakatund-Vlorë.
Në total janë zbuluar dhe sekuestruar 60 509 litra alkool i pafiskalizuar.
Subjektet e mësipërme u penalizuan, ndërsa iu sekuestrua sasia e gjetur në mjediset e tyre si dhe u bë kallëzim në prokurori për procedim të mëtejshëm për kryerjen e veprës penale “Prodhim i kundërligjshëm i artikujve dhe mallrave industriale dhe ushqimore”.
Gjithashtu u sekuestruan edhe 5 depozita me kapacitet 4,000 litra, 3 depozita me kapacitet 3,000 litra, 7 depozita me kapacitet 1,600 litra dhe 5 depozita me kapacitet 2,200 litra.
Redaksia Online
(JavaNews.al)
