Një sherr i nisur në dyert e gjimnazit të Mallakastrës ka përfunduar me një plagosje me thika. 17-vjeçari Rr. A mësohet t’i ketë kërkuar M.B të mos i ngacmojë më motrën, e në sherr e sipër ky i fundit e ka qëlluar të riun me thikë.
Mësohet se 17-vjeçari M.B e kishte braktisur shkollën, por vazhdimisht qëndronte jashtë derës së gjimnazit, aty ku ishte konfliktuar edhe herë tjetër me Rr.A, i cili e kishte paralajmëruar t’i qëndronte larg motrës së tij.
Pasditen e djeshme sherri mes tyre ka degjeneruar në përplasje me armë, ndërsa M.B e ka goditur disa herë me thikë bashkëmoshatarin e tij duke e plagosur.
DEKLARATA E POLCISË
Specialistët për Hetimin e Krimeve të Rënda në Drejtorinë Vendore të Policisë Fier, arrestuarn në flagrancë shtetasin:
-M.B, 17 vjeç, banues në Mallakastër.
Arrestimi i shtetasit të mësipërm u bë për veprën penale “Vrasje e mbetur në tentativë”, pasi më datën 03.11.2016, në Mallakastër, ka tentuar të vrasë me thikë duke e goditur disa herë shtetasin Rr.A, 17 vjeç, pas një grindje që kanë pasur për motive të dobëta.
Shtetasi Rr.A aktualisht ndodhet në Spitalin Rajonal Fier jashtë rrezikut për jetën.
ma.me
