Lefter Maliqi ka qenë i ftuar në emisionin ‘Top Talk’ me gazetarin Denis Dyrnjaja.
Ai u shpreh se disa deputetë të PS-së duan më shumë presidentin Ilir Meta se sa kryeministrin Edi Rama:
“Deputetët e PS-së unë i kam shumë miq dhe shokë, ata kanë frikë për shkak të këtij sistemi nga zoti Rama dhe i mbajnë iso aty në parlament, por në biseda të veçanta ata lartësojnë figurën e zotit Meta.
Metën e adhuron edhe baza edhe ish ministrat e partisë socialiste, madje edhe demokratët e shikojnë si një lider.
Ai ka luajtur një rol vendimtar gjithmonë pavarësisht se çdo politikan ka gabimet e veta.”
Maliqi i ka sfiduar të gjithë krerët e partive politike, duke u shprehur se mund të mundë Bashën, Ramën edhe Kryemadhin.
Madje ai ka shtuar se në 2005 ka mposhtur zv/kryeministri Erion Braçe.
Gazetari: Ka deputetë që mund të marrin më shumë vota se kryetarët e partive?
Maliqi: Sigurisht që ka, unë jam gati që të kem edhe Ramën përballë?
Gazetari: Meqë po e bëjmë pyetjen konkrete dhe po e kthejmë individuale, më shumë vota se kush kryetar partie mund të merrni ju? kë mund të rivalizoni?
Maliqi: Tani ta jap unë përgjigjën, i mund të tre. Në vitin 2005 unë nuk kam qenë kaq i njohur dhe kam mundur Erion Braçen që sot është zv/kryeministërin në tre komuna. Pra të jeni të sigurt, që populli i bën vetingun secilit kandidat.
/a.r
