Maliqi shantazhon Ramën: E di mirë ti kush është ‘Dhelpra me dy koka’. Kam videon te lokali i Dash Pezës

Lefter Maliqi ka “shpërthyer” ndaj kryeministrit Edi Rama fill pasi ky i fundit e ironizoi në parlament lidhur me bashkëpunimin e tre viteve më parë në fushatën zgjedhore.

Para Kryesisë së Kuvendit, deputeti tha se ka vendosur që të rrëzojë qeverinë dhe se sipas tij kjo gjë do të vijë shumë shpejt.

Ndër të tjera ai ka renditur edhe disa akuza ndaj shefit të qeverisë për të cilat siguroi se ka fakte por që do t’i publikojë më vonë. Maliqi shantazhoi duke thënë se ka video dhe materiale kompromentuese ndaj Ramës.

Maliqi garantoi se opozita e bashkuar shumë shpejt do të vijë në pushtet.

“Për shqiptarët dhe socialistët e ndershëm është ditë zie sepse ka ikur një ndër figurat më të rëndësishme Moikom Zeqo dhe familjes së tij i shpreh ngushëllimet. Unë jam këtu, meqenëse ky frikacak, kam bërë rresht dy interpelanca me ministrin. Ai nuk pranoi të dilte përballë.

Dje në mungesën time, duke parë që nuk ishte në rreshtin e tij, njolla e zezë e kësaj figure, siç shiti Tahirin, Kokëdhimën, e Dakon foli. Nëse është burrë, sot nis deklaratat për të, pasi do e nxjerr lakuriq atje para Kuvendit siç është. Mos të kujtojë se ka vdekur Prifti dhe s’ka më kaseta.

Filmimet dhe kasetat tek Dashi i Pezës nuk mungojnë. Dua t’i them se ai i infiltruari që ka qenë në grupin e zjarrit dhe ka qëlluar, duhet të hetohet. Paketorin e ke aty o palaço.

Paketorin që vjedh paratë e shqiptarëve. Drejtorin e burgjeve e ke po aty. Ky njeri që kërcënoi me mesazhe zotin Basha ka frikë nga koalicionet. E vetmja mënyrë është grisja e marrëveshjes në Ambasadën Amerikane. Jo këta po çfarëdo partie të krijojë nuk fiton dot përballë shqiptarëve të ndershëm.

Për t’i dhënë edhe një përgjigje edhe më të sinqertë dhelprën me dy koka e di shumë mirë ai. Është shprehja e tij në një grup të madh pazarxhinjsh. Do t’ia them të gjitha ballë përballë. Tani u hapën letrat. Është mosmirënjohës.

Ky njeri duhet të marrë fund. Ky nervi im është i sinqertë, i drejtë. Ku të dojë të përballet, në votë dhe parlament. Mos t’iu duket se është trim, se aktron dhe me ju, bën batuta, batuta krimi. Është kriminel, është sharlatan, një belkëputur. Kujton se do blejë vota.”, tha Maliqi.

Duke iu përgjigjur akuzave të Ramës, se Maliqi kishte shkuar në parlament me votat e PD dhe se fushatë kishte bërë për të, deputeti tha se ai përfaqësonte opozitën jashtë.

“E patë zonjën Hajdari. Unë kam respekt për zonjën Hajdari, shiko se çfarë i bënë. Dhe bën aktrime tani. Ky është aktrim i pështirë. Le të merret me mua. Unë jam i sinqertë. Le të fusë kë të dojë, deputetë të fortë. Ky njeri do ikë me turp nga skena shqiptare. Përfaqësoj opozitën jashtë. Jam kundër korrupsionit të qeverisë dhe disa marrëveshjeve që bëri zoti Basha, ia kam thënë.”, pohoi Maliqi.

g.kosovari