Një histori përndjekjeje është kthyer në makth për një minorene nga Lushnja. Ajo ëhstë bërë viktimë e një historie që zgjat prej kohësh. 16-vjeçarja me inicialet S.J. prej kohësh shqetësohet në telefon nga disa djem të ndryshëm. Kjo situatë ka zgjatur ka zgjatur prej disa javësh, derisa adoleshentja u tregoi prindërve të saj për makthin që po përjetonte. Pas rrëfimit të vajzës, babai i saj 64-vjeçar me inicialet R.J. i’u drejtua policisë ku bëri kallëzim penal.
Ai ka deklaruar se persona të ndryshëm shqetësojnë në telefon vajzën, duke i kërkuar lidhje intime.
“Vajza bezdiset shpesh herë në telefon. Telefonohet nga djem të ndryshëm të ciët i kërkojnë lidhje intime. Në disa raste ehde e kanë kërcënuar”, mësohet të ketë thënë mes të tjerash babai i vajzës.
Po ashtu, si ai, edhe vajza mësohet të kenë thënë se nuk kanë dijeni se kush mund të jenë persona që e kanë shqetësuar. Prokuroria pritet të verifikojë tabulatet telefonike nga ku pritet të identifikohen edhe personat që kanë përndjekur të renë përmes telefonit. Po ashtu, mësohet se janë pyetur edhe disa shokë klase të vajzës. Paraprakisht bëhet me dije se asnjë prej tyre nuk ka pranuar të ketë lidhje me këtë histori./JavaNews/a.m.
