Tre të vdekur dhe pesë të plagosur, mes të cilëve katër fëmijë, është bilanci tragjik i një aksidenti horror mes dy automjeteve në Co Tyrone.
Incidenti ndodhi në kryqëzimin e rrugëve Cookstown dhe Dungannon, ndërsa sipas mediave irlandeze, dy prej viktimave udhëtonin në makinë me katër fëmijë. Ndërkohë, viktima e tretë ishte në automjetin e dytë.
Sipas grupit hetimor dhe dëshmitarëve në vendin e ngjarjes, përplasja ka qenë tepër e fortë dhe “kokë më kokë”, çka ka bërë që bilanci të jetë tejet tragjik, edhe pse ndërhyrja e ekipeve të shpëtimit ishte e menjëhershme.
Ndërkohë, të mbijetuarit u dërguan me urgjencë në spitalin rajonal “Royal Victoria”, ku ndodhen në gjendje të stabilizuar shëndetësore.
/a.r
