Drejtuesi i një motori ka humbur jetën si pasojë e një aksidenti që ka ndodhur në Fier.
Rreth orës 15:15, në afërsi të fshatit Levan, shtetasi G.S, 24 vjeç, banues në Tiranë, duke drejtuar automjetin tip “Volkswagen”, është përplasur me motoçikletën tip “Yamaha”, pa targa, ku si pasojë ka ndërruar jetë drejtuesi i saj, shtetasi D.N, 65 vjeç, banues në Kryegjatë.
Në vendngjarje mbëriti policia dhe grupi hetimor ku po punon për sqarimin e rrethanave të këtij aksidenti.
Shtetasi G.S është shoqëruar në Komisariatin e Policisë Fier për veprime të mëtejshme proceduriale.
g.kosovari
