Një makinë është përfshirë nga flakët pak momente më parë në aksin Korçë-Pogradec, në afërsi të Maliqit.
Pasi është furnizuar me gaz në nje prej pikave të karburantit në vendin e quajtur Gryka e Pocestës, sapo ka dalë në rrugë nga kjo pikë karburanti, makina është përfshirë nga flakët duke shkaktuar panik te drejtuesi dhe pasagjeri.
Madje sipas burimeve janë dëgjuar tre shpërthime. Në kushte të tilla, drejtuesi i mjetit i përfshirë nga flakët ka humbur kontrollin e mjetit duke përfunduar në kanal në anë të rrugës.
Nga informcionet paraprake mësohet se dy persona janë plagosur dhe janë dërguar drejt spitalit për mjekim. Drejtuesi dhe pasagjeri kanë marrë djegie në trup por nuk dihet ende gjendja e tyre shëndetësore.
Zjarrikësit kanë bërë të mundur shuarjen e flakëve dhe kanë dhënë ndihmën e parë për të lënduarit. Policia në vendngjarje për zbardhjen e rrethanave.
g.kosovari
