Një 28-vjeçar ka humbur jetën si pasojë e një aksidenti në aksin rrugor Fier – Lushenj. Ngjarja ndodhi në orët e para të mëngjesit në fshatin Kolonjë.
“Shtetasi Z.H, 31 vjeç, banues në Berat, duke drejtuar automjetin tip Land Rover ka dalë nga rruga.
Si pasojë e daljes nga rruga ka ndërruar jetë pasagjeri, shtetasi M.R, 28 vjeç, banues në Berat dhe është dëmtuar drejtuesi i mjetit i cili ndodhet në Spitalin e Traumës Tiranë nën kujdesin e mjekëve”, thuhet në njoftimin e policisë.
Grupi hetimor po punon për zbardhjen e plotë të ngjarjes.
/a.r
