Një aksident rrugor ndodhi sot në Reps të Mirditës. Mësohet se një 50-vjeçar ka humbur jetën, pasi mjeti “Mercedez Benz”, tip ML, me të cilin udhëtonte ka rënë nga ura në lumë.
Identiteti i viktimës nuk dihet ende, ndërsa mësohet se po udhëtonte vetëm në mjet. Është dashur ndërhyrja e vinçit për të nxjerrë makinën.
Ndërkohë, një grup hetimor ka shkuar në vendin e ngjarjes dhe po punon për zbardhjen e plotë të rrethanave të aksidentit.
Informacioni i policisë
Rreth orës 13:00 , në fshatin Mashtërkor, Orosh, Mirditë automjeti tip “Fuoristradë ML” , ka dalë nga rruga , ku për pasojë ka humbur jetën drejtuesi i mjetit, ende i pa identifikuar.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes si dhe identifikimin e shtetasit të aksidentuar. /e.s/
