Një aksident i rëndë ka ndodhur pasditen e sotme në Tiranë pasi një automjet ka dalë nga rruga dhe ka rënë në greminë.
Ngjarja ka ndodhur në rrugën e Dajtit, në fshatin Surrel, ndërsa në makinë kanë qenë tre persona.
Mësohet se forcave zjarrfikëse u është dashur rreth një orë për të hapur makinën me mjete prerëse dhe konfirmohet se automjeti është një fuoristrade me targë AA 255 JH.
Burime nga vendi i ngjarjes thonë se bëhet fjalë për një person që ka ndërruar jetë dhe dy prej të plagosur në gjendje të rëndë.
“Më datë 07.10.2018, rreth orës 18:30, në rrugën e “Dajtit”, në fshatin Surrel, një mjet ka dal nga rruga dhe ka rënë në greminë. Shtetasit L. B., rreth 60 vjeç dhe Z. A., rreth 55 vjeç janë dërguar për ndihmë mjekësore në spital, ndërsa shtetasi tjetër ende i paidentifikuar i moshës rreth 25-30 vjeç ka ndërruar jetë” – njofton policia.
