Në Francë u dënua sot me 25 vite burg një 44-vjeçare, e cila i vuri flakën pallatit ku banonte, me pasojë vdekjen e dhjetë personave, në shkurt të 2019-ës.
Esia Boulares u shpall fajtore nga Gjykata e Apelit të Parisit për “shkatërrim të pronës së huaj, përmes zjarrit që shkaktoi vdekjen”. Në bazë të aktakuzës ajo mund të dënohet me burgim të përjetshëm.
Gruaja e varur nga alkooli dhe droga dhe që përballej me probleme të rënda psikologjike, ka pranuar se natën e 4-5 shkurt 2019 i ka vënë flakën katit të dytë të pallatit ku banonte, në lagjen 16 të Parisit, pas një sherri me fqinjin e saj.
Tymrat dhe flakët toksike përfshinë ndërtesën tetëkatëshe, ku ndërhyrja e zjarrfikëses ishte e vështirë, shumë prej banorëve u bllokuan në banesat e tyre.
Essia Boulares do të ketë të drejtën të kërkojë pezullimin e dënimit pas vuajtjes së dy të tretave, pra 16 vjet e tetë muaj. Ajo gjithashtu duhet të monitorohet nga shërbimet sociale dhe të trajtohet për 15 vjet. Ajo ka dhjetë ditë kohë për të apeluar dënimin.
“Është një dënim shumë i rëndë që nuk lë asnjë shpresë për klientin tonë”, ka komentuar avokati i saj, Sebastian Scapiras.
Një grua që jetonte në katin e 8-të të pallatit që u shpëtua falë ndërhyrjes së zjarrfikësve, e mbështet dënimin, duke e konsideruar “veçanërisht të rëndësishme” që Boulares të nënshtrohet një trajtimi në mënyrë që të jenë të sigurt ehe personat e tjerë.
