Ish-kryeministri i Shqipërisë gjatë periudhës së luftës në Kosovë, deputeti socialist Pandeli Majko ka bërë thirrje përmes një statusi në Facebook që të nderohet Oliver Ivanoviç, lideri i vrarë i serbëve të Veriut.
Sipas tij, vrasja e Ivanovicit është një akt kundër shtetit të Kosovës dhe po aq antishqiptar.
Vrasja e Oliver Ivanovicit, një prej zërave të fortë të serbëve të Kosovës është një ngjarje e rëndë. Ajo vjen në favor të atyre të cilët duan që marrdhënia shqiptaro – serbe të jetë një krizë favorizuese e interesave joeuropiane.
Vrasja e Ivanovicit është një akt kundër shtetit të Kosovës dhe po aq antishqiptar. Shpresoj, që Kosova të nderoj Ivanovicin si humbjen e një shtetasi të vet. Kjo është përgjigja më e mirë ndaj atyre që presin të kundërtën. /a.ç
