Tre ish-presidentët e Shqipërisë Alfred Moisiu, Rexhep Meidani e Bamir Topi dhe ish-Kryeministri Pandeli Majko, javën e ardhshme do t’i vizitojnë në Hagë ish-krerët e UÇK’së.
Vizita e tyre parashihet të ndodhë me 29 shtator, shkruan Gazeta Online Reporteri.net.
Ish-drejtuesit e shtetit shqiptar pritet të zhvillojnë takime me ish-presidentin Hashim Thaçi, ish-kryeparlamentarët, Kadri Veseli e Jakup Krasniqi, ish-deputetin Rexhep Selimi dhe të tjerët, që si ish-krerë të UÇK-së po mbahen në paraburgim nga Haga.
Po ashtu, mësohet se nga Kosova, këtij delegacioni të ish-presidentëve do t’i bashkohet edhe Behgjet Pacolli, ish-ministër i Jashtëm dhe zëvendëskryeministër i Kosovës.
Kjo vizitë do të jetë ndër më të rëndësishmet pas asaj të kryeministrit Edi Rama, krerëve fetarë të Kosovës të dhe kryetarit të Kuvendit, Glauk Konjufca./m.j
Për Behgjet Pacollin, krahas ish-eve të tjera që keni cilesuar, duhet të shenoni edhe ISH-PRESIDENT I KOSOVËS.
Periudha shumë e shkurtër e presidencës së tijë, pavaresisht se u shkarkua nga gjykata kushtetuese, për shkelje proçeduriale, konsiderohet i ligjshëm për zotin Pacolli.
Ai, ka qenë PRESIDENT I KOSOVËS.