Gjykata e Apelit Durrës ka lënë në fuqi masën e arrestit me burg për dy shtetasit rusë dhe atë ukrainas, në lidhje me sulmin në uzinën e armëve në Gramsh.
Edhe pse ata kërkuan lirinë, Apeli në Durrës ka lënë në fuqi vendimin e dhënë më herët nga Gjykata e Elbasanit.
Dy rusët Mikhail Zorin, 23-vjeç, Svetlana Timofeeva, 33-vjeç dhe 25-vjeçarin ukrainas Fiodor Mihailoviç, po fotografonin ambientet në Uzinën e Armëve, teksa kanë tentuar që të futen brenda, janë pikasur nga ushtarët shqiptarë të cilët u kanë bërë me shenjë që të ndalojnë. Ato nuk u janë bindur urdhrave të ushtarëve shqiptarë, ndërsa njëri prej tyre Mikhail Zori, i ka sulmuar me spraj kimik.
Ndaj tyre janë ngritur tre akuza. Më konkretisht ajo e sigurimit dhe dhënia e informacioneve ushtarake një shteti të huaj me qëllim cënimin e pavarësisë, goditje për shkak të detyrës dhe mbajtje e armëve të ftohta.
/e.d
