Ministri i Drejtësisë, Ylli Manjani, ka propozuar ndryshime në projektligjin “Për disa shtesa dhe ndryshime në ligjin nr. 8136, datë 31.7.1996 “Për Shkollën e Magjistraturës”
Sipas projektligjit në përputhje me numrin e vendeve vakante të përcaktuara sipas nenit 16 të këtij ligji, u ofrohet pranimi pa konkurs kandidatëve që:
1- Kanë përfunduar studimet në një prej universiteteve prestigjioze të vendeve anëtare te Bashkimit Europian, apo në Shtetet e Bashkuara të Amerikës, sipas listës që miratohet me urdhër të përbashkët të ministrit të Drejtësisë dhe ministrit të Arsimit dhe Sportit.
2- Kanë përfunduar studimet me “Medalje Ari” në Universitetet Publike në Republikën e Shqipërisë.”
Projekti përcakton që të paktën në vitin e parë për këtë kategori, pranimi të bëhet me procedura të lehtësuara, por pa çeduar në cilësinë e përzgjedhjes.
Gjithashtu nisur nga nevoja aktuale për burime njerëzore, me propozim të Ministrit Manjani, Ministria e Drejtësisë kërkon që brezi i parë i pranuar në këtë shkollë nga kategoria e atyre që kanë studiuar jashtë vendit, t`u ofrohen një program formimi profesional i përshpejtuar i kombinuar me praktikë.
Kriteret
- Për formimin fillestar të kandidatëve që pranohen pa konkurs, sipas nenit 17/1, për vitin akademik 2016-2017 dhe 2017-2018, nuk zbatohet neni 14 i ligjit.
- Formimi fillestar i tyre përfshin një periudhë 1 vjeçare trajnimi intensiv, ku ndërthuret programi teorik me praktikën aktive me ndjekjen e çështjeve më pak të komplikuara nën drejtimin e një gjyqtari ose prokurori.
- Programi teorik është i përbashkët për të gjithë kandiatët, ndërsa prorgami i praktikës aktive zhvillohet sipas profileve që ka zgjedhur kandidati si gjyqtar ose prokuror.
- Kandidatët që pranohen pa konkurs, gjatë periudhës së ndjekjes së programit, nuk përfitojnë shpërblimin që parashikon neni 18 i ligjit.
Qëllimi projektligjit është të krijojë lehtësira për të reja dhe të rinj që kanë mbaruar studimet e larta jashtë vendit si dhe të gjithë ata studentë të ekselencës që duan të bëhen magistër thuhet në njoftimin e Ministrisë së Drejtësisë
Gjithashtu, një rëndësi të veçantë, thotë ministria merr dhe shtimi i kuotave nga Shkolla e Magjistraturës për pranimin e studentëve, pa detyrimin e shtetit për të paguar shpenzimet e studimit.
Manjani nënvizon se Shkolla e Magjistraturës duhet të trajnojë më shumë gjyqtarë dhe prokurorë të rinj
