Vrasja misterioze e John Palmer , ky i fundit një prej mafiozëve më të njohur gjatë viteve 80-90 në Britaninë e madhe ka vendosur në lëvizje autoritet angleze me qëllim gjetjen e autorit.
Trupi i Palmer u gjend i pajetë të mërkurën e shkuar pranë banesës së tij, ku vetëm mbërritja e ekspertizës ligjore vërtetoi se 64 vjeçari ish qëlluar me armë-zjarri.
Dyshimet më të mëdha të autoriteteve britanike bien mbi një rrjet të organizuar të mafies shqiptare dhe kosovare, i cili vepron në zonën e ishujve kanarie në Spanjë, aty ku viktima kish ndërtuar një pjesë të perandorisë së tij.
Sipas hetimeve të kryera ky grup kontrollon trafikun e lëndëve narkotike në ishujt kanarie dhe dyshohet se ndoshta një mosmarrëveshje biznesi , mund të ketë dërguar në vrasjen e John Palmer.
Gjithsesi pistat e policisë britanike janë të shumta, pasi 64 vjeçari nuk kishte lidhje vetëm me mafian shqiptare, por në të shkuarën kish bashkëpunuar edhe me mafian ruse, po ashtu edhe me një prej personave që cilësohet si një ndër njerëzit më të rrezikshëm ne Britani.
Keneth Noye. Ky i fundit figron si i implikuar në më shumë se 25 vrasje në Angli.
John Palmer u bë i njohur gjatë viteve 80-90, si një ndër mafiozët më të famshëm në Britani, pasuria e të cilit kapte shifrën e 300 milion paundve, ku aso kohe revista Sunday Time Rich e rendiste në vendin e 105 në listën e personave më të pasur në planet.
