Presidenti i Francës Emmanuel Macron mbërriti të mërkurën në Pekin me ftesë të homologut kinez Xi Jinping, për një vizitë shtetërore në Kinë që do të zgjasë deri të premten.
Kjo është vizita e katërt shtetërore e Macronit në Kinë. Gjithashtu një vizitë reciproke pas asaj të Xi-së vitin e kaluar në Francë, që shënoi 60-vjetorin e vendosjes së marrëdhënieve diplomatike midis dy vendeve.
Kina është e gatshme të punojë me Francën, për ta përdorur vizitën si një mundësi për të promovuar frymën e themelimit të lidhjeve diplomatike dypalëshe, për të forcuar komunikimin strategjik, për të thelluar bashkëpunimin pragmatik, si dhe për të rritur koordinimin në çështjet shumëpalëshe, tha një zëdhënës i Ministrisë së Jashtme të Kinës.
Avioni i presidentit francez Emmanuel Macron mbërrin në Pekin, 3 dhjetor 2025/Foto nga CMG
Së bashku, të dy palët mund të bëjnë përparime të reja në partneritetin e tyre strategjik gjithëpërfshirës, të promovojnë zhvillimin e shëndetshëm dhe të qëndrueshëm të marrëdhënieve Kinë-BE, si dhe të kontribuojnë më shumë për multilateralizmin dhe një botë paqësore, të qëndrueshme e të begatë, shtoi zëdhënësi.
