Lushnje, makina del nga rruga, 4 të plagosur
Katër persona kanë mbetur të plagosur në një aksident të ndodhur në orët e mbrëmjes së të enjtes në qytetin e Lushnjes.
Aksidenti ka ndodhur në by pass-in e qytetit, ku një automjet ka dalë nga rruga dhe është përplasur me një shtyllë të energjisë elektrike.
Për pasojë kanë mbetur të plagosur shtetasit Dashuri, Paqësor dhe Xhevahir Cani, përkatësisht 59, 61 dhe 28 vjeç, pjesëtarë të së njëjtës familjeje nga Berati dhe shtetësja italiane, Emarta Perglini, 29 vjeçe, e fejuara e Xhevahir Canit.
Ky i fundit është shoqëruar në Spitalin e Traumës në kryeqytet në gjendje të rëndë. Policia mbërriti në vendin e ngjarjes dhe nisi hetimet për zbardhjen e shkaqeve të aksidentit.
Redaksia Java News/ f.g
