Gaddafi e paralajmëroi krizën me refugjatë para se të ekzekutohej
Miliona refugjatë që kanë vërshuar Evropën kanë zënë gafil politikanët evropianë. Sputnik shkruan se ata nuk do të befasoheshin nëse Perëndimi do të dëgjonte me kujdes se çfarë lideri libian Muammar Gaddafi kishte thënë pak muaj më para se të ekzekutohej brutalisht.
Në mars të vitit 2011, Gaddafi kishte paralajmëruar se pa një Libi të bashkuar dhe stabile, nuk do të kishte kush të kontrollojë numrin e madh të refugjatëve nga Afrika dhe Lindja e Mesme që shkojnë drejtë Evropës. Për dallim nga liderët botëror, ish-diktatori Gaddafi duket se e kishe kuptuar se miliona, jo mijëra do të vërshojnë, transmeton Indeksonline.
“Janë miliona njerëz të zinj që do të kalonin nëpër Mesdhe për të shkuar në Francë dhe Itali. Libia luan një rol të rëndësishëm në sigurinë e Mesdheut”, kishte thënë ai.
Djali i Gaddafit, Saifi, që tash pret radhën për ezkekutim në burg, kishte paralajmëruar njëjtë.
“Libia mund të bëhet Somalia e Amerikës veriore dhe Mesdheut. Do të shihni piratë në Sicili, në Kretë, në Lampeduzë. Do të shihni miliona refugjatë. Terrori do të jetë në prag të derës”, kishte thënë ai.
