Babë e bir në Lushnje janë konfliktuar me njeri tjetrin në mënyrë të dhunshme, duke përfunduar që të dy në pranga.
Avni Kërçuku, 60 vjeç dhe djali i tij Aleksandër Kërçuku, 31 vjeç, të dy atë e bir banues në lagjen “18 Tetori”, Lushnje, u arrestuan ditën e djeshme pas sherrit për ish- gruan e 60- vjeçarit dhe nënën e të riut.
Ata u prangosën pasi kanë ushtruar dhunë fizike e psikologjike ndaj njëri tjetrit.
Noa.al mëson se 60- vjeçari ishte divorcuar me nënën e djalit, por pavarësisht kësaj jetonin në të njëjtën banesë. Avniu ka fyer dhe kërcënuar ish- bashkëshorten, duke thënë fjalë të rënda ndaj saj.
Kjo gjë nuk është duruar nga i biri i cili i është kundërpërgjigjur me dhunë të atit, duke u përleshur ashpër me njeri tjetrin.
Pas këtij sherri u sinjalizua policia për të qetësuar gjakrat, duke çuar në arrestimin e të dyve nën akuzën e veprës penale “Dhunë në familje”/a.k
