Zëvendëspresidentja e Parlamentit Evropian, njëherësh raportuese për Kosovën në PE, Ulrike Lunaçek ka mirëpritur propozimin 5-pikësh të deputetëve Vjosa Osmani dhe Ilir Deda dhe përkrah këtë draft për marrëveshje politike si një pikënisje të vërtetë të dialogut politik në mes të liderëve partiakë për të gjetur një zgjidhje politike që rikthen funksionalitetin në Kuvendin e Kosovës.
Lunaçek, siç raporton Koha.net, ka thënë se i vlerëson jashtëzakonisht shumë përpjekjet e deputetëve Osmani dhe Deda, dy deputetë nga grupe të ndryshme parlamentare – njëri pjesë e qeverisë e tjetri pjesë e opozitës – të cilët, sipas saj, në një përpjekje të përbashkët vërtetë evropiane kanë arritur të shkruajnë një propozim të vlefshëm dhe shumë racional “të cilin kërkoj që ta pranojnë të gjitha partitë në Kosovë, qofshin ato opozitare apo qeveritare”.
