Parlamenti është përfshirë sot në debate mes kryeministrit Rama dhe kreut të PD Basha lidhur me tarifën e vendosur për Rrugën e Kombit.
Teksa i përgjigjej akuzave të Bashës, Rama i kujtoi liderit të PD financimet ruse.
Ai e ironizoi kur tha se do kishte bërë mirë ta pyeste, pasi do ta këshillonte të mos ngatërrohej me rusët.
“Lulzim mos ngatërro taksën e qarkullimit me pagesën e përdoruesve, nuk kanë lidhje, mësoje që nëse do ishte kështu, atëherë në cdo vend nuk do kishte pagesa për rrugën. Konsideroje seriozisht dhe mos e thirr më shpejt fatin tënd, që e ke shkruar vetë, pa u konsultuar me partinë tënde, dhe mua, se do të kisha thënë zgjedhjet do i humbësh mos merr para nga rusët se na duhesh për rrugë të gjatë por ia ke shkurtuar rrugën vetes”, tha Rama teksa i drejtohej kreut të PD./a.m.
