Avokati Spartak Ngjela thotë se Partia Demokratike ka nevojë për një drejtues të ri. “Lulzim Basha e hodhi PD-në në humnerë, në zgjedhjet e 21 qershorit”, ka thënë avokat Ngjela. Sipas tij PD nuk vjen dot në pushtet as për 15 vjet, nëse nuk bën një riorganizim dhe largon Bashën e Berishën.
“Partia Demokratike ka nevojë për ridrejtim. PD ka qenë përballë kësaj fatkeqësie. Kjo parti është një makinë që Berisha e shkatërroi nga rrotat dhe frenat, ndërsa Basha është shofer që nuk di t’i japë makinës, të cilën e hodhi në humnerë! PD nuk ka drejtimin e duhur, dhe kjo është arsyeja pse e majta është forcuar. Demokracia është votë! Ku i kanë votat këta? Me këtë përqindje votash, PD nuk vjen për 15 vjet në pushtet”, u shpreh Ngjela.
