Deputeti i përjashtuar nga Partia Socialiste Tom Doshi është rikthyer sot për herë të parë në sallën e Parlamentit që pas arrestimit të tij në lidhje me kallëzimin e rremë për atentatin e pretenduar ndaj tij.
Deputeti i Shkodrës është ulur sërish në vendin e tij krah PS, aty ku ishte përpara arrestimit, por se këtë radhë nuk ka në krah kolegun e tij Mark Frroku, i cili gjendet në qeli për akuzën e vrasjes në Belgjikë.
Po sot Gjykata e Lartë ka rrëzuar kërkesën e deputetit Doshi për të qenë i lirë. Ai aktualisht ndodhet nën masën “detyrim paraqitje”.
Tom Doshi është arrestuar më 26 Mars të këtij viti, pasi hetimet e Prokurorisë bënë të ditur se ai ka bërë kallëzim të rremë në lidhje me pretendimin e tij se kreu i Kuvendit Ilir Meta kishte organizuar atentat me vdekje ndaj tij.
