Kryeministri Edi Rama nuk kurseu këtë të premte nga Vlora akuzat dhe sulmet ndaj opozitës.
Në fjalimin e tij përpara vlonjatëve Rama tha se për fatkeqësinë e madhe të këtij vendi Sali Berisha dhe Ilir Meta janë ende aktivë në politikën shqiptare, ndërsa Lulzim Basha jo.
Më tej Rama tha se Lulzim Basha s’ka qenë asnjëherë në krye të PD-së, dhe se pas saj ka qenë gjithmonë Sali Berisha.
“Në vendin tonë kemi një forcë të përbërë nga disa njerëz që është e shitur, thjesht e shitur. Çdo ditë mbush me helm të gjitha ujërat që lëvizin në botën e komunikimit publik.
Ça duhet më për tu bindur që një i damkosur non-grata nga Britania dhe SHBA, për të tëra të zezat, të braktiset ça duhet më, kur ke sot që ka qenë dhe mbetet
E kujtoni kur thoja ‘Luli ndahu nga ata të dy’. Luli s’është më, ata të dy janë.
Për fatkeqësinë e madhe të këtij vendi ata janë vazhdim i mallkimit që ka nisur kur këtu në Vlorë ka nisur shteti shqiptar që nga 1912.
Nuk ka pasur Lul ndonjëherë. As Luli vetë nuk e beson se ka pasur Lul ndonjëherë
Emrat dhe fytyrat ndryshojnë por mbeten të njëjtët. Janë mallkimi i bërë njeri dhe futur për të bërë çorap Shqipërinë.
Pse, ma thoni pse ka një lloj paraje, rublat që janë të një vendi jo miqësor ndaj nesh, dhe të marrësh para për të bërë çorap vendin tënd dhe për të bojkotuar zgjedhje e për të ngritur çadra, pse duhet të t’i japin ato para.
Sepse ke dhënë prova që e meriton besimin e atyre që e shohin këtë vend në mënyrë jo miqësore. E imagjinoni sikur në zyrën time të vinte njeriu i Putinit dhe një muaj më vonë të shkonim të votonim kundër UÇK-së në Këshillin e Evropës, por ne nuk e votuam atë rezolutë turpi që është një akt tradhtie kundër këtij vendi. Vajtën atje bedela të Putinit dhe e votuan, ne nuk e votuam.
As Shpëtim Idrizi kur shkoi në Strasburg nuk e votuan rezolutën, ndërsa këta bedelat e Putinit e votuan, si të mos i marrin gjysmë milioni, po kur i nxorri CIA.
Pastaj fillon muhabeti i bëri Luli, u ka pasur Lul ndonjëherë, jo po kërkoj falje për Lulin, cilin Lul mor, ku ka pasur Lul ndonjëherë, Luli vetë nuk e beson që ka pasur Lul. Luli aksionist pa shall edhe në gjumë, çohu nga gjumi firmos e merr lekët e çoji te non-grata.
Që të të bëjë, të të ngulë Amerika vulën në lule të ballit, si ato matrikullimet që i bëjnë deleve, të të matrikullojë Amerika dhe të thotë je i padëshiruar sepse je i korruptuar dhe ke bërë tërë të zezat, këtu një arsye e ka.
Tjetër është të esh një deputet i zakonshëm por një njeriu që ka qenë president e kryeministër t’i rrasin matrikullimin në lule të ballit, kjo ndodh sepse është rublaxhi. Unë jam i bindur se megjithëse e vërteta po vonon për këtë qafir nuk ka për të harruar dhe do dalë deri në fund.
Dje bëra një postim për kompaninë e portit të Durrësit në Zagreb. Ishte një lajm që nuk e verifikova dhe e nxorra, sot kërkova ndjesë, kush nuk është gënjeshtar nuk justifikohet, ajo ishte diçka që po ta verifikoja do dilte, nuk u bë dhe kërkova ndjesë. Këtu ishte gabimi im.
Porti do mbarojë para pak vitesh, vlera e këtij qyteti do rritet dyfish sa është sot dhe periudha e dimrit e cila është më e vështirë për një qytet bregdetar do ketë më shumë gjallëri. Porti turistik, se këta janë gdhë, që do sjellë jahte, jahtet kur vijnë këtu nuk vijnë që njerëzit të rrinë atje brenda, dhe vijnë të konsumojnë në qytet.
Ndërkohë që ai porti i Durrësit atje, flasin këta që e bënë Shqipërinë 1 euro, me logjikën e këtyre e kishim dhënë për 1 euro. Për herë të parë shteti është ortak në një investim të tillë, nuk marrim vetëm taksa por edhe pjesën e fitimit”, tha Rama./m.j
