Ka gjetur një argument me të rinjtë për të shpjeguar idenë e tij, kryetari i Opozitës. Kështu, kryetari i Partisë Demokratike Lulzim Basha thotë se rinia po ikën nga vendi dhe për këtë kryedemokrati ja vë fajin Ramës.Sipas Bashës rinia po ikën pasi Rama të vetmen zgjidhje që i ka lënë është ose të merret me drogë, ose të emigrojë.
Në një takim me të rinjtë e Devollit Basha shpalosi edhe disa detyra që do të bëj PD për të rinjtë kur të vij në pushtet.
Statusi i Bashës
“Rinia po emigron masivisht sepse në mungesë të politikave të punësimit, e vetmja zgjidhje që Edi Rama i ka lënë rinisë është ose të merret me drogë, ose të emigrojë.
Nëse kjo vazhdon vendi do të marrë fund!
Me të rinjtë e Devollit diskutuam për vështirësitë që të rinjtë kanë për të vazhduar studimet e larta për shkak të rritjes së tarifave dhe prej papunësinë.
Detyra e parë e qeverisë së PD do të jetë përgjysmimi i tarifave për arsimin e lartë dhe pagesa e stazheve për të sapodiplomuarit.
Do hartojmë ligj të ri në mënyrë që çdo i ri dhe e re shqiptare të ndjekë studimet pavarësisht nga mundësitë ekonomike të familjes.
Një vend, rinia e të cilit në shumicë kërkon të largohet, shkon drejt shuarjes por bashkë me vendosmërinë e të rinjve shqiptarë, këtë nuk do e lejojmë!” – shkruan Basha në Facebook.
