Evertoni ka bërë një paraqitje fantastike në udhëtim te Sunderlandi, duke e mposhtur me rezultat prej 0-3.
Ishte sulmuesi belg Romelu Lukaku ai që shkëlqeu në këtë takim, duke shënuar të tri golat për mysafirët, raporton Koha.net.
Belgu shënoi tre gola të shpejtë në pjesën e dytë të takimit. Së pari shënoi në minutën e 60 pas asistimit nga Gueye.
Për golin e dytë që e shënoi në minutën e 68 i asistoi Bolasie, kurse vetëm tre minuta më vonë Mirallas e shërbeu Lukakun, për ta kompletuar hetrikun.
Për Sunderlandin nga minuta e parë u paraqit edhe Adnan Januzaj, i cili nuk arriti ta ndihmojë skuadrën e tij.
Me këtë fitore Evertoni ngjitet në vendin e tretë me 10 pikë, po aq sa ka edhe Chelsea në vendin e dytë. (b.an)
