• Kontakt
  • Kreu
  • Rreth Nesh
Saturday, November 14, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Lukaku “engjëll dhe djall”, Sevilla konfirmohet “mbretëresha” e Europa Leagues

by A R
21/08/2020 22:57
Shperndaj ne FacebookShperndaj ne Twitter

Sevilla konfirmoi se është “mbretëresha” e Europa Leagues, pasi mbrëmjen e sotme arriti të fitojë për herë të 6 në histori, trofeun e dytë më të rëndësishëm për klube në “kontinentin e vjetër”, duke mposhtur në finale Interin me rezultatin 3-2.

Ndonëse pa praninë e tifozëve dhe me një format të çuditshëm për shkak të pandemisë, në “Rhein Energie Stadion” të Kolnit u zhvillua një 90-minutësh spektakolar, i denjë për një finale europiane, ndërsa në fund triumfuan me meritë spanjollët.

Sfida nis menjëherë me protesta, për një faull të çuditshëm që arbitri akordon në favor të Sevillas, ndërsa në aksionin pasardhës Interi zbret shpejt në kundërsulm me Barellën që nis Lukakun dhe ky i fundit futet në zonë, por ndalet me faull nga Diego Carlos.

Nuk ka dyshime për arbitrin holandez, që akordon 11-metërsh për Interin dhe karton të verdhë për mbrojtësin andaluzian, ndërsa nga pika e bardhë shkon vetë Lukaku, i cili gjuajti saktë dhe zhbllokoi finalen.

Megjithatë avantazhi i zikaltërve zgjati vetëm 7 minuta, pasi ishte holandezi Luuk De Jong që i shpëtoi mbulimit të dyshes Godin-De Vrij dhe gjuajti saktë me kokë, duke mposhtur portierin Samir Handanovic.

Pak minuta më vonë zikaltrit pretendojnë për një penallti, pas një prekjeje me dorë të mbrojtësit të Sevillas, por nuk mendon kështu arbitri holandez, që ndëshkoi me karton të verdhë edhe Antonio Conten për shkak të protestave të shumta.

Në minutën e 33-të, pas zhvillimeve të një goditjeje dënimi, holandezi De Jong lëvizi sërish bukur dhe doli në shtyllën e dytë, ku gjuajti saktë me kokë dhe mposhti për herë të dytë portierin e Interit Handanovic.

Megjithatë këtë herë reaguan mirë zikaltrit, që vetëm tre minuta më vonë, sërish nga një goditje dënimi, gjetën golin e barazimit me anë të mbrojtësit uruguaian Diego Godin, i cili nuk gaboi me kokë nga vetëm pak metra larg portës.

Pas pushimit në fushë u pa një ritëm shumë më i ulët, me Sevillan që u tërhoq mbrapa dhe i la qarkullimin e topit Interit, ndërsa zikaltrit i shkuan dy herë pranë golit të avantazhit, por fillimisht Gagliardini e më pas Lukaku i vetëm me portierin, nuk u treguan të saktë në goditje.

Nga ana tjetër Sevilla gjeti golin e avantazhit rreth 15 minuta para fundit të lojës, kur p[as një goditjeje dënimi, topi mbeti në zonë dhe Diego Carlos gjuajti me roveshiatë, por teksa topi po shkonte jashtë kuadratit, Lukaku e devijoi në mënyrë të pafat në rrjetën e portës së Handanoviç.

Conte nuk ka çfarë të humbë më dhe hedh në fushë Sanchez, Eriksen e Moses, ndërsa Interi nis të shtyjë përpara, por pikërisht mbrojtësi nigerian humb një mundësi të mirë për të rikthyer baraspeshën.

Deri në fund të ndeshjes, andaluzianët menaxhojnë mirë avantazhin dhe bëjnë gjithçka për të ulur ritmin e lojës, duke përdorur zëvendësimet e shumta në dispozicion, por edhe faullet qesharakë të akorduar nga arbitri holandez Makkelie, vërshëllima finale e të cilit shpalli Sevillan fituese të Europa Leagues.

Andaluzianët e fitojnë kështu për herë të 6 këtë kompeticion, si asnjë skuadër tjetër në Europë dhe vlen të theksohet se të 6 sukseset i numëron në 14 vitet e fundit, pasi për herë të parë e ka fituar trofeun në vitin 2006.

Nga ana tjetër konfirmohet mallkimi europian për skuadrat italiane, që nuk triumfojnë në garat ndërkombëtare që prej 2010-ës, kur ishte pikërisht Interi që fitonte Ligën e Kampionëve në finalen ndaj Bayernit të Mynihut, ndërsa sonte zikaltrit nuk arritën të sjellin kthesën e madhe për futbollin italian.

/SuperSport

Next Post
“Mos harroni se maskat vetëm nuk mund t’ju mbrojnë nga COVID-19″/ OBSH thirrje qytetarëve dhe personave mbi 60 vjeç

OBSH ndryshon ‘rregullat e lojës’, tjetër rekomandim për mbajtjen e maskës

Leave a Reply Cancel reply

Your email address will not be published. Required fields are marked *

TË FUNDIT

Asambleja e PS-së në Lalëz, mbërrijnë ministrat dhe deputetët

Asambleja e PS-së në Lalëz, mbërrijnë ministrat dhe deputetët

November 14, 2026
S’ka kuorum në Kuvendin e Kosovës, shtyhet seanca për projektligjin që synon kufizimin e mandatit të Gjykatës Speciale

S’ka kuorum në Kuvendin e Kosovës, shtyhet seanca për projektligjin që synon kufizimin e mandatit të Gjykatës Speciale

November 14, 2026
Sot Asambleja e PS-së, zbardhet letra e Veliajt për anëtarët: Partia Socialiste është më e madhe se kryetari i saj!

Sot Asambleja e PS-së, zbardhet letra e Veliajt për anëtarët: Partia Socialiste është më e madhe se kryetari i saj!

November 14, 2026
Trump pezullon sanksionet e reja kundër Rusisë të miratuara nga Kongresi

Pas ndërprerjes së fluturimeve në SHBA, Trump kërkon 30 miliardë dollarë për modernizimin e kontrollit ajror, ja çfarë pritet të ndryshojë

November 14, 2026
Takimi historik Trump-Putin-Xi Jinping, Irani dhe armët bërthamore në qendër të diskutimeve, zbulohet çfarë do të ndodhë me Ukrainën

Takimi historik Trump-Putin-Xi Jinping, Irani dhe armët bërthamore në qendër të diskutimeve, zbulohet çfarë do të ndodhë me Ukrainën

November 14, 2026
Të shtëna me armë në Durrës pas konfliktit mes dy personave, policia zbardh dinamikën e ngjarjes

Të shtëna me armë në Durrës pas konfliktit mes dy personave, policia zbardh dinamikën e ngjarjes

November 14, 2026
Reshje shiu dhe rrebeshe, parashikimi i motit për ditën e sotme

Reshje shiu dhe rrebeshe, parashikimi i motit për ditën e sotme

November 14, 2026
SHBA rikthen fluturimet pas defektit në kontrollin ajror, por aeroportet vijojnë në kaos

SHBA rikthen fluturimet pas defektit në kontrollin ajror, por aeroportet vijojnë në kaos

November 14, 2026
Rama mbledh Asamblenë, në diskutim emrat për bashkitë dhe ndryshimet në qeveri

Rama mbledh Asamblenë, në diskutim emrat për bashkitë dhe ndryshimet në qeveri

November 14, 2026
A do të kandidojë për Shkodrën? Karakaçi: Mbështes Benet Becin për një mandat të dytë

A do të kandidojë për Shkodrën? Karakaçi: Mbështes Benet Becin për një mandat të dytë

November 13, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In