Aktiviteti i lojërave të fatit vazhdon të funksionojë në Tiranë, ndonëse është ndaluar me ligj.
Policia ka goditur një tjetër rast në zonën e Kombinatit, në rrugën “Haki Stërmilli”, duke vënë në pranga pronarin e lokalit.
I arrestuari është identifikuar si E. B., 40 vjeç, banues në Tiranë. Përvec tij, janë procedura në gjendje të lirë edhe gjashtë shtetas të tjerë.
Policia vuri në pranga pronarin pasi kontrolloi lokalin e tij dhe konstatoi se luheshin lojëra me letra pokeri me lekë.
Në cilësinë e provës materiale u sekuestruan letra pokeri dhe një sasi lekësh.
Materialet iu referuan për veprime të mëtejshme Prokurorisë së Tiranës për veprat penale “Organizim ose ushtrim i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.
/a.r
