Të gjithë i dimë të mirat e frutave, por ndoshta nuk e dimë se ato janë një aleat mjaft i mirë edhe për luftimin e celulitit, sidomos te gratë. Prandaj, të gjitha gratë që duan vija bukura të trupit, duhet të nisnin menjëherë me një dietë të përshtatshme për të arritur formën e duhur.
Celuliti është problematik sidomos gjatë muajve të nxehtë të vitit, pasi trupi është më shumë i ekspozuar dhe më shumë bie në sy dhe kjo ju bën të ndjeheni keq. Dhe frutat, por edhe perimet, janë një aleat i shkëlqyer për ta luftuar këtë problem.
Strategjia për të luftuar celulitin me rezultate të dukshme në 10 ditë, ka të bëjë mbi të gjitha me ngrënien e frutave dhe perimeve me bollëk, me ngjyra, të freskëta, të stinës. Mjafton një kilogram fruta dhe perime të cilat duhet të konsumohen në pesë vakte gjatë ditës.
Ekspertët këshillojnë përzierjen e frutave në një sallatë duke kombinuar një gjysmë molle me katër manaferra, tre thela mandarinë ose gjysmë portokalli dhe tre- katër kokrra rrush të zi dhe të bardhë. Për mëngjes as qumësht as biskota e as ëmbëlsira të tjera.
Dreka, një pjatë makarona që nuk duhet të jetë e kombinuar me të skuqura. Nuk duhet të mungojnë frutat dhe perimet në sasi. Po ashtu edhe në darkë. Kurse pastat duhet të paraprihen gjithnjë nga një pjatë e mirë me perime të stinës. Nëse i përmbaheni kësaj, qysh në 10 ditët e para do të shohim efektet e ndjeshme, ndërsa brenda 30 ditëve një përmirësim të dukshëm. Ekspertët për shëndetin, sugjerojnë që dita të fillohet me ngrënien e frutave, pra gati gjatë tërë ditës dhe të mbyllet me konsumimin e perimeve në mbrëmje.
ma.me
