Luftëtari ka marrë një fitore të pastër pa shumë vuajtje kundër Lushnjës në javën e 27 të Superligës. Ekipi i drejtuar nga Hasan Lika iu imponua miqve me 2 golat të shënuar në secilën pjesë.
Fillimisht takimi u zhbllokua në minutën e 40-t të pjesë së parë, me autor Kristal Abazajn. Deri në përfundim të lojës, atëherë kur Dejvi Bregu do të vuloste shifrat përfundimtar të takimit, gjirokastritët do të realizonin edhe 2 gola, por të dy të anuluar.
Vlen për t’u theksuar goli i Bregut në minutën e 94-t, pasi vlonjatit prej shumë ndeshjesh i mungonte goli. Me fitoren e pastër 2-0 që i siguron 3 pikët, Luftëtari renditet në vendin e 5-t, me 40-t pikë, 2 më pak se Laçi i vendit të 4-t. Ndërsa Lushnja zhytet gjithnjë e më shumë në vendin e fundit, me 10-t pikë, 19-t më pak se Teuta e vendit të 9-t. (Balkanweb)
