KUKËS- Pasojat e shkaterimeve qe la protesta duken qartazi sot. Sportele dhe aparatura të djegura plotësisht dhe gurë përtokë. Kjo është panorama që të ofron Rruga e Kombit, ku ditën e djeshme dhjetra qytetarë protestuan kundër taksës së vendosur nga qeveria.
Në shenjë kundërshtie ndaj këtij vendimi dje qytetarë të Kukësit dhe jo vetëm pasi u konfrontuan me policinë, hodhën ndaj tyre gurë si dhe u vunë flakën sporteleve të biletave ku do të paguhej edhe taksa.
Ndërkohë që policia iu përgjigj me gazlotësjellës, ndërsa shumë qytetarë pretendojnë edhe se janë dhunuar. Ndryshe nga dje, sot situata paraqitet shumë e qetë në Rrugën e Kombit, ndërsa gjurmët e asaj çka ndodhi ende nuk janë fshirë. Aty ndodhet një patrullë e Policisë Rrugore, ndërsa mjetet lëvizin normalisht pa paguar taksën e re.
‘News24’ ka udhëtuar sërish drejt këtij stacioni, ndërsa ofroi për publikun këto pamje ku dukshëm duket ajo çka ndodhi dje. Për më tepër shihni pamjet.
