Teksa çmimet e gazit natyror në SHBA janë në nivelin më të lartë të 14 viteve të fundit, kriza e gazit natyror në Evropë vjen si rezultat i varësisë së saj nga Rusia, e cila ka ulur rrjedhat e gazit natyror në përgjigje të sanksioneve perëndimore.
Bashkimi Evropian është detyruar të hartojë plane për racionimin e gazit natyror, një hap drastik që do të dëmtojë familjet dhe bizneset.
Çmimet e gazit natyror janë rritur aq shumë në Evropë, saqë kontinenti i vjetër rrezikon të bjerë në recesion.
Edhe pse çmimet e gazit natyror rriten, çmimet e naftës kanë rënë, duke ndihmuar në uljen e ndjeshëm të çmimeve të benzinës. Mesatarja kombëtare e SHBA-së për benzinë e rregullt ka rënë 64 ditë radhazi, sipas AAA.
Ndërkohë që analistët thonë se kriza e gazit natyror në Evropë po kontribuon në çmimet më të larta të gazit natyror në Amerikë, megjithëse nuk është ajo shtytësi kryesor.
Shtetet e Bashkuara kanë rritur eksportet e tyre të gazit natyror të lëngshëm (LNG) në Evropë në një përpjekje për të zbutur ndikimin e humbjes së gazit rus.
“Çdo molekulë rezervë që mund të gjejmë, ne po dërgojmë në eurozonë,” sipas Robert Yaëger, zëvendëspresident i të ardhmes së energjisë në Mizuho Securities.
/e.d
