Viti 2015, ka qenë rezultativ rekord për sa i përket asgjësimit të rrënjëve të drogës të mbjella në zona të thella malore. Raporti italian evidenton se në disa operacione të ndërmarra nga policia shqiptare në zonat malore është arritur të asgjësohet 96 për qind e drogës së identifikuar nga fotografimi ajror.
Po të marrësh shifrat e vitit 2015 me ato të vitit 2013, shikon një ndryshim si nata me ditën përsa i përket asgjësimit, raporton Shqiptarja.com. Në vitin 2013, gjatë qeverisë “Berisha” asgjësimi i drogës nga policia e Shtetit ishte vetëm 7.50 për qind. Kjo një shifër shumë e vogël, për sa i përket sipërfaqes së madhe të drogës të mbjellë në vend.
