Presidenti i Republikës Ilir Meta ka folur sot pasdite në lidhje me situatën e zjarreve në Karaburun, Gjirokastër dhe tërë territorin e vendit. Ka ngushëlluar dhe familjen e të ndjerit që humbi jetën në këtë fatkeqësi.
Por nuk ka munguar të sulmojë dhe qeverinë, ministrin e Mbrojtjes dhe tërë strukturat e emergjencave civile, për masat e pamjaftueshme që janë marrë.
“I bëj thirrje Qeverisë, në veçanti Ministrit të Mbrojtjes, Ministrit të Brendshëm dhe Drejtorit të Agjencisë Kombëtare të Mbrojtjes Civile, të angazhohen seriozisht, me të gjitha forcat operacionale të emergjencës dhe kapacitetet në dispozicion, jo me mjete rrethanore, për përballimin e kësaj situate alarmante, të përhapur tashmë në disa Qarqe të vendit.
Është tepër urgjente organizimi i operacioneve më efikase nga ajri dhe marrja e çdo mase efektive, për të shmangur çdo humbje tjetër jete, për t’ju ardhur në ndihmë qytetarëve në nevojë dhe minimizuar pasojat tepër të rënda në pasuritë publike dhe private.
Përsëris thirrjen për t’ju drejtuar sa më parë për ndihmë Mekanizmit të Mbrojtjes Civile Europiane dhe çdo vendi partner, që ka mundësi të na ndihmojë”, shkruan mes të tjerave Meta në mesazhin e tij me sa duket të postuar nga vila luksoze në Gjirin e Lalzit.
Në krye të herës Ilir Meta është Komandant i përgjithshëm i Forcave të Armatosura te Republikes se Shqiperise, gjë që nuk ka munguar ta përmendë herë pas here para zgjedhjeve te 25 prillit, per te kercenuar kryeministrin Edi Rama.
Dhe duke qenë se kjo është luftë, me zjarrin kuptohet, Ilir Meta duhej të shkonte në Jug të vendit, Vlorë, Gjirokastër, Lunxheri etj, vende që i kanë falur në tërë këto vite presidence kënaqësi në turizmin e tij presidencial.
Le ta shpallte ditën e martë fundjavë per veten të paktën dhe të shkonte në këto vende të cilat siç thotë dhe vetë i ka shkelur me këmbë dhe ka shijuar bukuritë e tyre./m.j.
