Në mungesë të kryetarit Ilir Meta i cili ndodhet për një vizitë në Gjermani, homazhet për 71-vjetorin e Festës së Çlirimit i kreu Luan Rama.
Ai pat edhe një mesazh për klasën politike, e cila feston e ndarë festën. Të djathtë besojnë se Festa e Çlirimit është më 28 nëntor, ndërsa të majtët e pretendojnë një ditë më vonë.
“Është shenja tipike e pafytyrësisë politike dhe e sjelljes hipokrite. Raste të tilla nxjerrin lakuriq në sytë e popullit ata që vijnë këtu dhe e bëjnë homazhin për hipokrizi. Janë ata që i kanë rivrarë dëshmorët me qëndrimin e tyre”, tha Rama.
“Nderimi për dëshmorët e Luftës Antifashiste Nacional-Çlirimtare, për ata që sakrifikuan jetën për çlirimin e atdheut, është detyrim i brezave dhe betimi ynë për ta patur ëndrrën e tyre busull orientimi për të bërë më të mirën për Shqipërinë evropiane”, shtoi ai.
