Në QV nr. 3030 (Kinoteatri Fier), janë konstatuar vëzhgues të PS-së me lista në duar duke kontrolluar votuesit. Lista është kapur në mënyrë flagrante dhe ekzistojnë foto që e dokumentojnë situatën.
Në QV nr. 3021 (Shtëpia e Pionierit) dhe 2996 (Mark Dashi) është vërejtur e njëjta skemë, ku persona të lidhur me PS mbajnë lista me emra, duke ushtruar presion të heshtur mbi votuesit.
Në QV nr. 2988 (Bishanak), një vëzhguese e PS është pozicionuar pranë kutisë së votimit, duke ndikuar direkt në proces. Ajo ka ndërhyrë edhe në mënyrën e palosjes së fletëve, duke bërë që të jetë i dukshëm votimi për PS.
Në Kopshtin nr. 3, është raportuar prezenca e Luan Bacit, figurë politike e PS-së, brenda ambienteve të qëndrës së votimit. Ai është parë duke kontrolluar lëvizjen e njerëzve dhe është përfshirë në një konflikt verbal me vëzhguesin e PSD-së, duke e tensionuar situatën.
Lidhur me këto demokrati Luan Baçi thotë se është paraqitur në ambientet e qendrës së votimit jo për të shkelur ligjin, por për të verifikura shkelejt e ligjit.
“Nuk është hyrje në qendrën e votimit për të shkelur kodin zgjedhor apo ligjin, por ka qenë interesim për të verifikuar këto shkelje të ligjit”, tha Baçi.
Gjithashtu ai tha se një kuti votimi në qendrën e votimit 3134/01 ka ardhur me 500 fletë votimi mangët.
Baçi: Në Fier janë vënë re që në fillimet e votimit shkelje të rënda të Kodit Zgjedhor. Më lejoni të përmend këtu kutinë e votimit që ka ardh me 500 fletë votimi mangët. KZAZ 59, QV 3134/01 fletë votimi kanë marrë 47, mungojnë 500 në kuti. Dhe tani me urdhër të KQZ-së janë shpërndarë nëpër qendrat e tjera për të mbledhur fletë votimi për të plotësuar këtë kuti me mangësi. E kam denoncuar edhe në mëngjes, në shumë QV ka pasur vëzhgues në thonjëza të PS që e kanë pasur historikun e tyre mbajtjen e shënimeve për çdo qytetar brenda qendrës së votimit, intimidimin e qytetarëve, marrjen informacionet për komshinj të afërm kush ka ardh dhe kush nuk ka ardh.
