Në takimin “Forca e Ligjit”, ambasadori amerikan Donald Lu e ka cilësuar krimin si një kërcënim serioz për Shqipërinë.
Kryediplomati tha se veprat flasin më shumë sesa fjalët, ndërsa u shpreh se politikanët e inkriminuar nuk është problem i vetëm një partie, por që ka pllakosur të gjithë politikën pas rënies së komunizmit.
Ai tha se ka ardhur koha që të kapen sa më parë peshqit e mëdhenj dhe se rezultatet duhet të shihen që në fillim të 2018-ës.
“Ne presim rezultate, presim që ky plan agresiv të përfundojë me arrestimin dhe ndjekjen penale të peshqve të mëdhenj dhe rezultatet duhet të nisin në fillim të vitit të ardhshëm”,- tha ai.
“FBI është këtu për të ndihmuar në luftën kundër krimit të organizuar. Ndihma jonë për prokurorinë dhe policinë do të mbështesë institucionet e reja. Kemi edhe një agjent special të FBI. Ne flasim me vepra dhe jo me fjalë. Në luftën kundër krimit të organizuar presim rezultate, presim që në fillim të vitit të ardhshëm të arrestohen disa peshq të mëdhenj për të filluar përgjatë gjithë 2018. Keni një shprehje “Dielli duket që në mengjes”. Krimi i organizuar shqiptar është problem serioz dhe kërcënim për sigurinë kombëtare. Shqipëria ka një problem në lidhjen mes grupeve kriminale dhe politikanëve. Nëse e mohoni këtë shqyrtoni rastet e Mark Frrokut , Arben Ndokës dhe Elvis Roshit. Ky nuk është problem i vetëm një partie. Ky problem ka pllakosur politikën shqiptare që nga rënia e komunizmit. Asnjë nuk është mbi ligjin. ” – tha kryediplomati amerikan.
Ai tha se shqiptarët kanë një shprehje: Peshku i madh e ha të voglin. Por sipas Lu, qoftë për një herë të vetme, le ta hamë peshkun e madh.
Ju thoni “peshku i madh e ha të voglin”, për një herë të vetme në Shqipëri, le të hamë peshkun e madh,”
Deklaratat e forta të Donald Lu erdhën gjatë takimit paraditen e së martës në Ministrinë e Brendshme. /JavaNews/b.d
