Lëvizja Socialiste për Integrim dënon qëndrimin e Kryeministrit dhe qeverisë, sipas saj promovues dhe mbrojtës të dhunës dhe krimit në vend.
Në një deklaratë për mediat pas arrestimit të djalit të deputetit socialist, LSI thotë se gjarja e dhunimit të një vajzë të thjeshtë në Fushë Krujë dhe fshehja e sa nga strukturat qeveritare që u bënë palë me deputetët e inkriminuar në të, është provë se shteti është kapur totalisht nga krimi.
“Të hetohen të gjithë veprimet e mosveprimet që sollën në këtë trajtim kriminal të çështjes duke luajtur në mënyrë flagrante me jetën dhe integritetin e një vajze të re të pambrojtur.
Të hetohet sjellja skandaloze e shtetit në raport me nënkomisarin Emiljano Nuhu dhe roli i çdo personi me detyrë shtetërore që ka influencuar negativisht e ka penguar në ushtrimin e detyrës të z.Nuhu” – shkruan LSI
Po kështu, partia në fjalë kërkon të hetohet nga prokuroria shpërdorimi i detyrës nga kryeministri Edi Rama që ka kërcënuar e kanosur publikisht Emiljano Nuhu.
/b.d
