Ditët e fundi, ka pasur deklarata nga aleatët e Partisë Demokratike, të cilët kanë shprehur kundërshti me lëvizjet e fundit të Bashës.
Partitë e vogla janë shprehur se duan ndryshime ne kodin zgjedhor dhe se afrimi me LSI-në është i gabuar pasi do u sjell humbje në elektorat.
Por për Bashën, nuk ka asgjë të vërtetë, pasi sipas tij aleatët janë të bashkuar në një mision që të rrëzojnë Edi Ramën.
“Nuk ka asnjë kundërshtim, ka një përkrahje të plotë, përkrahje për këdo që bashkohen për këtë aleancë”, u përgjigj Basha.
Deklarata e fortë e Bashës: Kam indicie që Rama…
Lulzim Basha ka qenë i ftuar në studion e emisionit Fakt, në Syri.net, ku ka folur për aktualitetin politik. Ai që në fillim të intervistës ka folur për krimin dhe drogën në Shqipëri, duke thënë se në pushtet është aleanca e krimit.
Pjesë nga deklaratat e Bashës
Banditët në burg dhe jo në qeveri. Kjo është ajo që ne kërkojmë sot. Sot lajmi i ditës është që 1 në 10 fëmijë ha një vakt në ditë. Këto janë pasoja të Ramës me krimin. Zgjedhjet e 25 qershorit provuan se paktin me krimin vazhdoi. Ky është realiteti që kemi 49 % të shqiptarëve që nuk paguajnë faturat e ujit dhe të dritave. Ne jemi për bandidët në burg dhe populli në qeveri. Sot shikova një raport për fëmijët e kequshqyer. Sot ne kemi një aleancë mes Edi Ramës dhe Krimit. Rama është armik i zgjedhjeve të lira, sepse ai ka bërë pakt me krimin. Nuk mund të jesh edhe me krimin edhe me qytetarët.
E gjitha kjo ka ardhur për një arsye të thjeshte, sepse ne kemi një qeveri të krimit nuk kemi një qeveri të qytetarët. Edi Rama është koka e drogës. Kjo nuk do të thotë se Rama merret me trafikun e skafëve natë për natë, por se ai është me një aleancë të mirëmenduar me krimin. Ai ka bërë aleancë me ta, ai i solli në parlament, ai u bëri një ministër të brendshëm dhe ai ua la Shqipërinë zonë të lirë.
Kam indicje shumë të forta se ai është i inkriminuar në kuptimin individual penal. Kam një mesazh për të gjithë nga kjo studio se nuk ka prokuror, nuk ka prokuror të përkohshëm, as Zeus, që e shpëton atë nga largimi dhe nga përgjegjësia politike. Zgjidhja me Ramën nuk ka kompromis, zgjidhja është largimi I tij.
