Kapiteni i Kombëtares shqiptare, Lorik Cana, feston sot 32-vjetorin e lindjes. Futbollisti nga Gjakova ka marrë shumë urime nga tifozët dhe kolegët e tij për ditëlindjen.
Një urim i veçantë ka ardhur për të edhe nga klubi i tij, Lacio. Loriku u frymëzua nga babai i tij, Agim Cana, për t’u bërë futbollist.
Edhe redaksia e JavaNews.al i bashkohet urimeve të përzemërta për kapitenin tonë legjendar kuqezi.
Karriera e kapitenit kuqezi
Në vitin 1997, ai bashkua me skuadrën lokale të Dardania Lausanne, një skuadrër amatore e krijuar nga komuna shqiptare e Lozanës, që si trajner kishte babain e Lorikut. Ai luajti te Dardania deri në vitin 2000, ku më pas firmosi me klubin francez të Paris Saint-Germain.
Ai ishte i ftuar për një provë nga skuadra angleze Arsenal në moshën 16 vjeçare, por nuk mundi dot të bashkohej sepse nuk iu dha viza britanike. Te Paris Saint-Germain, ai shpenzoi tre vite karrierë në divizionet e ndryshme franceze. Cana më në fund bëri debutimin e tij me skuadrën e parë në vitin 2003, dhe që atë herë, ai u bë lojtar i skuadrës së parë.
Ndërkohë, në fillim të sezonit 2005-06, Paris Saint-Germain ndryshoi trajner dhe kjo gjë nuk ishte në avantazh të Canës. Kjo gjë bëri që ai të transferohej në jug të Francës, për tu bashkuar me klubin më të suksesshëm në historinë franceze, Marseille. Që kur u bashkua me Marseillen, ai forcoi vendin e tij në formacionin e parë, duke shënuar edhe golin e fitores në ndeshjen e parë midis Marseilles dhe ish–klubit të tij (Paris Saint-Germain). Ai gjithashtu u bë dhe kapiten pas largimit të ish–kapitenit Habib Beye tek skuadra eNewcastle United gjatë verës së vitit 2007.
Cana u largua nga klubi për të transferuar te klubi i Premier Ligës, Sunderland në Gusht 2009. Ai e mori shumë shpejt shiritin e kapitenit pasi ju dorëzua nga Steve Bruce, edhe pse më vonë Bruce deklaroi se akoma nuk ishte vendosur se kush do të ishte kapiten i skuadrës.
Më 8 Korrik 2010, Cana u bashkua me klubin turk Galatasaray për një shumë prej 4.5 milion €. Më 3 Korrik 2011, Cana firmosi me klubin italian Lazio. Për Canën, Lazio pagoi 6.75 milion €.
Cana u bë pjesëtar i Kombëtares shqiptare që nga viti 2003, pasi u thirr nga Federata Shqiptare e Futbollit. Ai e pranoi kërkesën dhe bëri debutimin e tij me kombëtaren më 11 qershor, që në moshën 19-vjeçare.
Kapiteni legjendar shqiptar i dha fund beqarisë më 27 qershor të vitit të kaluar. Ai u martua me arkitekten italiane, Monika. Ndërkohë, që në muajin shtator pritet të bëhet baba për herë të parë.
