Prokurori i Përgjithshëm Adriatik Llalla pritet që të mos jetë edhe për shumë kohë në krye të organit të Akuzës. Atij do t’i ndërpritet mandati sapo të hyjë në fuqi paketa kushtetuese për reformën në drejtësi.
Kjo është bërë e ditur nga kreu i Komisionit të Ligjeve, Fatmir Xhafaj. Megjithatë, ai tha se Llalla nuk do të lihet rrugëve, siç ka ndodhur me kryeprokurorët.
“Mund të jetë dhe ky që është, nëse kandidon dhe fiton. Kuvendi është i detyruar të zgjedhë një nga kandidaturat, ama prokurori do ketë fatin që do jetë i pari që nuk është shkarkuar nga detyra dhe do jetë i pari që nuk do rrijë rrugëve për një vend pune ,siç kanë ndenjur prokurorët e mëparshëm”, deklaroi Xhafaj për ABC News.
